去豬迎牛

乜原來我真係咁豬架咩
早幾天先發現今天係除夕夜
約人今天行夜行山並唔係因為咩除夕倒數出嚟玩玩的
而係有日返學+2話 : "不如31號去行囉"
就係咁先約人今日行夜山咋
而亞芬話搭淩晨1:20嗰班車去
亦都無諗到咩嘢除夕大倒數喎
我見有人諗行程時間同地點
就係咁又無理到lu
直到kathy話 : "嘩,唔好約第朝早先行吖~"
先發現 : e............係喎,乜約得咁晏嘰?
09年新願望,唔好再比人話我豬
同埋快快樂樂
勤勤力力工作
我要努力過新界嗰隻牛

給愛惜的人

一路都不覺得這首歌唱得好聽
一路都不覺太喜歡吳浩康
但係幾喜歡這首歌的歌詞
同埋每次聽到呢首歌都會諗起曾嘉賢同王加儀~
唔知點解呢?




一千分鐘工作時間　多少天光早午夜晚
棲身於這不足六呎七吋的工作間
收音機都聽到腐化　望著漸變暖的冰茶
想到一晚風裡共某位最愛度假
是我瘋了嗎變打印機　都再印出已沒見舊友清單
加數機計不到公式去知道
媽媽　還好嗎

普天工作裡有沒一剎為活著要好　抱住你愛惜的人
吻一下
今天工作裡放任一下白日夢也好　你願意嗎
昨日害怕勒不到的身價　原來還可怕
家中的她已睡嗎　酒吧的好友悶嗎 媽媽的湯已壞了嗎

手錶不懂加快時間　就像被困世間
某個聽說青天都藍　並無黑色阿拉斯加
香煙都給嘴角焚化　逐漸地見最愛某一天跟我分手說聲　請戒掉嗎
是我真太差　那杯咖啡是中四間的　友伴己忘記
我嗎
短訊的訊息裡通知我今晚
媽媽病倒啦

普天工作裡有沒一剎為活著要好　抱住你愛惜的
人吻一下
今天工作裡放任一下白日夢也好　你願意嗎
舊日是你看得到的一切 現在還好嗎
當天的她抱著嗎　親暱的好友在嗎
媽媽　都長滿白髮嗎

假使給經理罵懶　一千噸工作未散
奔波的趕吃著午餐　誰最念掛

my papa & mama

話說我二姐姐去了日本有大半個月
她那狐寒精為了慳點長途電話費
MSN就成了我們全家和她溝通的方法了
當第一次我在爸爸面前用MSN和二姐姐傾時
之後爸爸就話MSN好得意
經常叫我教佢點用,等佢都可以隨時上去
但是他都是在每天早上,臨返工時候才問我
大佬呀~要返工架,點教喎!
再加上一連四晚都要返學
放學回家都無心情教佢了
於是等到今天才教到佢點用MSN^v^
他亦同到佢寶貝女MSN
其實,教佢MSN唔係問題
佢可以用英文跟我二姐姐對答
但最大問題係,佢成日見我地打中文打得好快
成日要我教佢打中文........................................
我真係覺得教打中文,仲難過學打麻省!

__________________________

有日回家
我媽媽跟我說佢有個住客做空姐好衰
成日掃D垃圾出門外,要佢掃
於是乎媽媽就鬧個空姐
叫佢唔好再掃d垃圾出門外
那是我覺得咁個空姐衰
鬧佢都無乜問題吖!
咁我媽就不停嘴咁講,我就係到聽
佢講講下,話可能個空姐個文化係唔慣用垃圾鏟
所以佢就拿了個垃圾鏟比個空姐
吓............我當時真係O咗嘴.............文化唔慣????
跟住我忍唔口問 :"個空姐係咩人?"
媽媽就話 " 印尼囉~"
吓........... "咁你同佢講咩話呀?"
"英文囉~"
吓.........."你剛才話鬧佢都係用英文鬧呀?"
"係呀,唔講英文佢唔識聽架!"
跟住我媽就開始用英文講返點鬧個空姐了

____________________________

點解一個爸爸可以用英文跟二姐姐MSN
仲要過去咗既時候,懂得將"go"變為"gone"
同一個可以用英文跟空姐溝通
仲要用英文鬧人的媽媽
生出嚟個細女英文咁差既?

去韓國成日都諗起首廣告歌~"一家去玩,有肚痛....老闆請食飯更有肚痛....痾嘔不適...點樣算...釣魚牌...釣魚牌...李萬三整腸丸~~"

盲人凸字

突然屎忽痕,好想去學盲人凸字
上次去咗學手語,都係得個學字
最後當然沒有用過手語同啞人仕溝通啦!
但係上次搭九鐵時,看見買票機的凸字
真係好刻衝動去學下
那些凸字係點解囉!
唔知邊到有超平的盲人凸字學呢?

有點後悔那時沒有去"盲人攝影展"添

二姐姐,下年見了~

遲d我二姐姐將會去日本兩個月
這兩個月內開始
無人教我覆e-mail
無人教(幫) 我做功課
無人在公司跟我0133
無人在家跟我無聊
但是~我真心想你離開
想你看多,看真,看清這世界
你真係越早走越好
你晚上回家實在太嘈了,經常嘈醒我
沒有你在家我可以獨霸一間房,yeah~
我還可以任意開燈不用比你罵
可以坐你的摺椅子
不會無啦啦冇喱頭被人罵"死肥妹,肥胖胖"
祝 一跟順風

無聊想頭

我知將會打的BLOG會好白痴,及低能
但係我都想打囉~
話說有位朋友跟我說過的話,
他說 : "其實我很害怕自己一個人在家囉,我不會獨自一個人在家,很怕見到鬼...."
我問 : "自己家都怕??"
回答道 : "是呀,仲之不能一個人在家啦!"
其實,我都相信這世界是有鬼的
講真信有鬼存在仲多過信有主的存在 (神呀,原諒我對你的不信任,阿門!)
直到昨晚,看完演唱會回家
途中一直在想 "返到屋企,屋企人都瞓晒啦~唔知有無"嘢"在係廳等我返呢?"
返家途中就係咁一直諗埋呢D嘢
當我返到屋企樓下 (我住一樓,不用搭升降機)
下意識望了升降機,看看入面有無"嘢"
點知.....三個升降機門都閂著,看不到裡面的情況
於是,又心諗究竟有無"嘢"望住我呢???
當然啦,只有看更伯伯望住我囉~
回到家門口,正在開門時
又心諗 "吖,入門我會望到咩呢??見鬼無所謂,最怕見到老鼠曱甴係到屋企行"
真的,鬼與老鼠曱甴相比,牠們真是好恐怖
最後,當然都係我自己一個諗架啦
昨天晚上乜都見唔到

hi~

今年九月起開始到ive返學
學呀rachel話齋 “你係咩人會識到d咩朋友”
唔知係咪我個人問題
(下次我的”自我檢討”報告會寫二千字架喇)
在返學初期，仲有一兩個我眼中比較奇怪的人跟我談話
於是依足rachel教路~~~~~避
此外亦曾被兩三同學仔問道 : “你識佢架?”
“唔識架,我自己一個返學咋!”我一定會係咁答的
好了，返學都差不多有兩個月
我真是避無可避了
(講笑咋，唔好嬲，等我下次放學孭你地返(我)屋企)
竟比我識到兩寶
王加儀同陳佩玲
昨晚的ITA堂三寶然傻到discussions room當MSN咁用
搞到不停傻笑、亞sir勁睥、更懷疑擾亂到坐前面的同學仔上網
王加儀同陳佩玲
真高興識到你們

王加儀話要打邊爐,等我同陳佩玲看看佢如何生吞雞子

F.5C

嘩!以下兩張相來源超搞笑
係從A班的中學同學
在我們C班的中學同學的facebook dl落嚟
和我讀中學的人
一定會認到邊個係我
因為我個樣真係無乜點變喎~
但係非中學認識我的人
我估一定認唔到囉

妹仔肚

由於公司到學校沒有嘢食買
基本上返學夜的晚上我都是吃餅乾及麵包充饑的
但是正正坐在鄰近的同學ka e
經常都會買一些很香很香的嘢食返學
pizza、kfc、糯米雞等等
昨晚她甚至說 : “等我下次買盒飯返嚟食先!”
她那不理會鄰近同學饑餓的態度
真是令人又愛又恨 ;
昨夜約了gigi到譚記食米線
吃米線途中談了許多中學的事情
不知不覺，原來已過”幾”年架啦~
時間真係過的好快 ;
吃米線真的很飽，可能是九點幾十點才食的關係吧
我竟然晚上轉展反側了差不多一至兩小時才能入睡
what’s going on????
我平時”餓”著反而仲瞓的好???why????
就是碗”譚記米線”就搞到我瞓唔到???
約而這篇文章給rachel看到
她一定說對我說 : “你講大話，咪係到扮細食喎”
唔通，我真係要打上森美那節目?
最後，gigi我一定會再約你去食”松記甜品”的
希望一碗糖水不會搞到我瞓唔到啦~he

好想食拉麵 :p

稻香

最近又愛上了周董的歌
上首是夜曲,好記得第一次是晚上聽
雖然唔知歌詞講乜
但真係好喜歡個Melody
今次也是不知歌詞講乜但個Melody真很好悅耳
後來細看歌詞,有幾句真是太喜歡了
尤其是第一段
(但是看過這歌的mv後,有點頂不順周董的草帽>..<")

......................................................................................

對這個世界如果你有太多的抱怨
跌倒了就不敢繼續往前走
為什麼人要這麼的脆弱 墮落
請你打開電視看看多少人
為生命在努力 勇敢的走下去
我們是不是該知足
珍惜一切 就算沒有擁有

還記得你說家是唯一的城堡
隨著稻香河流繼續奔跑
微微笑 小時候的夢我知道
不要哭 讓螢火蟲帶著你逃跑
鄉間的歌謠永遠的依靠
回家吧 回到最初的美好

不要這麼容易就想放棄
就像我說的追不到的夢想
換個夢不就得了
為自己的人生鮮艷上色
先把愛塗上喜歡的顏色
笑一個吧 功成名就不是目的
讓自己快樂快樂這才叫做意義
童年的紙飛機 現在終於飛回我手裡

所謂的那快樂 赤腳在田裡追蜻蜓追到累了
偷摘水果被蜜蜂給叮到怕了 誰在偷笑呢
我靠著稻草人吹著風唱著歌睡著了
哦 哦 午後吉它在蟲鳴中更清脆
哦 哦 陽光灑在路上就不怕心碎
珍惜一切 就算沒有擁有

還記得你說家是唯一的城堡
隨著稻香河流繼續奔跑微微笑
小時候的夢我知道
不要哭 讓螢火蟲帶著你逃跑
鄉間的歌謠永遠的依靠回家吧
回到最初的美好

還記得你說家是唯一的城堡
隨著稻香河流繼續奔跑微微笑
小時候的夢我知道
不要哭 讓螢火蟲帶著你逃跑
鄉間的歌謠永遠的依靠
回家吧 回到最初的美好

me

可能我言語或行為誤導了你們
當你們以為我不介意時
其實我是介意的 ;
當你們說我很建談時
其實我可以整天玩自閉不出聲的 ;
當你們以為我很正經時
其實我也可以癈up都你們會嫌我白痴 ;

當你們把我看作你們心中那類人時

其實我不太是你們心中所想的那類人 ;

只是我選擇不出聲告訴你們吧

這是好還是不好呢?

nice to meet you人馬仔

本人對星座並沒有研究，但是以蟹仔立場來看
人馬仔真是一個”重友色輕”的星座
身邊識的朋友四個是人馬仔
他們都是這樣子的
”朋友”行頭
所以我都喜歡跟你們做朋友
可惜若然做情侶的話
蟹仔就怕怕了

機會

如果機會再來多一次,

結果還會是這樣嗎??

請移玉步,謝~

話說六月去了日本,個BLOG都係寫了兩大天

以為自己轉咗唔用YAHOO就會的起心肝寫

點知都係無用~無法啦~懶吖嘛

自己又不喜歡放相上facebook (^^最主要係不懂upload)

趁放假時,都係係返yahoo寫返第三天行程

各位煩移玉步去返我個yahoo blog吖,多謝合作

我的新同事

公司來了個F.5剛畢業的新同事,真得有日可能會被佢激死,最......最........最經典的激心事實不得不提這單嘢...........

話說某天返工時,我比了一叠文件叫佢替我入信封寄咗去..........

小玉 : "你同我入咗去寄出去,地址係呢到~但記得Attn比carman喎~"

她 : "哦~但點解份文件attn係比kary的?"

小玉 : "係呀本身文件係比kary買嘢,但現在要找合計carman找數囉"

她就"哦"了一聲就返埋位了,過了數分鐘後............

她 : "寫好了!"

我一看attn位仍然寫咗kary

小玉 : "我咪話咗attn比carman囉,你唔記得呀?"

她 : "e........係喎~吖........"carman"點串呀?"

小玉心諗 : "究竟你係咪F.5畢業?連carman都唔識串!!"

小玉無氣地說 : "c...a...r...m...a...n~carman,你係咪無郵票呀?我比幾個你吧!"

她猷宜咗一陣就話 : "乜寄信要用郵票架咩?"

oh! my god~~~~~O晒嘴的我 : "...............你唔貼郵票,郵差叔叔點同你寄信呀?"

唔知佢會否心諗 : "吓,唔知擦牙,駛唔駛用牙膏呢?"

想起你

每次看見這廣告，不知不覺地想起你
想起你跟我說過的話；
想起你當時的情況；
我很想告訴你
你的聖誕、新年及生日時
我想到送什麼給你了～

留在我身邊

某天，聽903的廣告，第一次聽到青山黛瑪的歌曲。有一種很悅耳的感覺，只是聽了小小就覺得好好聽。對上一次有這感覺的歌手是周杰倫。

於是乎，叫了亞芬ＳＥＮＤ這隻碟的歌給我。可惜的是，有兩首他整唔到^^＂其中一首就是我最想要這首歌。

所以，每次聽到這首歌我都會很留心聽的。

知道青山將會來香港開演唱會，亦知道身邊沒有朋友有興趣去看（雖然無問過，但覺得無人會想陪我聽囉）。

撞車

話說某一早上，我正在在公司跟公司亞姐討論公事時，我的手機响起了。但我並沒有接聽，回到位看見是朋友Ａ打比我。那時，正奇怪他為什麼會在這時段打給我，因他平時是下午、放工等的時段來電，於是我抱著奇怪心態回電。

＂嘟、嘟、你已接駁到ＸＸＸ的留言信箱......呀吖～留言？唔通返緊工？＂一邊回電一邊心諗

再隔兩三個字想打比朋友Ａ也是去了留言信箱，於是我想若有什麼緊要事他都會再打比我的，就係咁就無再諗住打比佢了。

到了放工後若七點幾，他終於打給我了。其實我自己都忘了早上他曾打比我的事＞＿＜＂

一接聽他的電話，我並未講任何一句說話時，他已經自動波地講.....

＂今朝我就嚟要死喇，打比你又唔聽我電話，嚇到我都唔知點算好了....."

＂唔通你又係蛇頭接蛇尾？係咪咁呀？？快Ｄ去飲返杯滴露啦～＂

因為之前有個朋友，打比我一開波又說自己快要死，點知佢係生蛇，我還以為朋友Ａ又係生蛇，係到大驚小怪，所以我咪咁講囉！

＂唔係呀～今朝我撞車呀，差Ｄ要入醫院呀，好彩我無瞓看見就嚟要撞，用隻手頂一頂咋。我隔離個女仔同前面個師奶要用擔架床送入醫。我落車時都腳震到死，驚咗好耐，第一個就諗起打比你想同你講，點知你又唔聽我電話.........(下刪一百字)＂

＂吓？撞車？嘩！怪不得今朝又見消防車又見救護車啦！但又唔係喎，我今朝有覆你。但你飛咗去留言架喎............(下刪一百字，零問候的癈話)＂

談了差不多半小時有關撞車的癈話

＂咁你撞車嗰一刻，有無走馬燈出嚟，睇返你前半生的回憶？＂

＂撞車後，第一下就係到諗，究竟自己有無買到保險呢？唔知又會陪幾多呢？＂

我又問＂咁你死咗，你會唔會報夢比我，話我知你死咗去邊？＂

其實，在跟他談電話的時候都覺得幾Warm的，當他就嚟要死的時候，竟然還記得我、第一個打比我。

事後，我跟rachel講呢件事，他亦同我講＂係架，有次發生咗件事，我也想跟你說。可惜你不在港，講唔到。之後同咗第個朋友講，但感覺還是差了一點點。唔知點解同你講感覺好ｄ!＂

唔..............唔通我係佢地心目中是一個百分百的......................八婆?



"八婆~我有嘢想同你講!"

"咁你都唔駛用大聲公，叫醒我架！乜事呀？？＂

由零開始

今個星期,公司請了個"新同事"，"新"到呢是零工作經驗．剛剛F.5畢業，現在還讀緊夜校．由於我亞姐請了兩日假，於是乎老闆叫我教新同事做嘢.....吓!!!咪玩啦，自己D嘢都搞唔掂憑咩教人喎>_<" 但老闆叫到唔教又唔得，諗深一層自已都做過新人，嗰時D同事都係教我嘢,算吧啦!!!

還記得第一份工學會的是出來工作的人必學的~~~吞POP：我最勁可以一口氣談兩個鐘私人電話,勁呀~

唔..............第二份工學會的是~~~蛇王：我最勁可以半晝沒有回公司，係外面jhea^v^

到了現在這份工學會了~~~努力工作：懶咗咁耐，終於的起心肝(?)工作

正如我亞媽話齋 : "你學人教人做嘢,唔好教到足呀，留返一手比自已" 知喇亞媽，我會留返吞pop蛇王比自己架啦~

小輝：我祝願小玉比多些零用錢我＾＾

TAI O~

2008年9月7日(六),亞肥生日話想去大澳半天遊,於是乎咁就去咗了.印象中好似咁大個女第二次入去的.

在大澳裡面有好多咸魚,亦看到有貓偷食咸魚,好搞笑~

唔....................為什麼白雪公主咁慘,係個籠裡面徵婚呢??恨嫁成咁???

1~2~3~jump

哈~我們無夾埋的,真係咁橋四個都係穿白衫架~~

很想看日落,耐何當天個咸旦黃好蒙,等等下都係走人lu!!

開學lu~

很久沒有返學了,今天將會重拾書包,回到校園去

心情有點點覆雜,既興奮,又緊張追不上

最令我擔心的是,聽gigi講學校附近係無嘢好食的

連最愛麥當當都無,可惡!!

返學前,與舊同學扮一個鬼臉先~很久沒見你們了

一年前的你~

一年前你的生日,去了淺水灣游泳
還記得當天很凍沒有太陽
但是都玩得很開心
你在我心目中永遠是個陽光少女>_<"
其後去了食"暴肥",你說你晚上約了人不能和我們一起
你係我心目中永遠都很神秘的
難道小時候的你曾經去過百慕達三角?
或者曾比外星人俘虜過??
所以從此變得咁神秘???
一年後的你,亦都沒有變過
仍然正日無論如何都不和我們食
不過算啦~你開心就行了
言而,昨天在大澳拍的照
我會依舊方法,一年後才給你
現在先還返上年的照片給你先~

p.s我對你多好,沒有登出你泳照出來,hehe~

long time no blog

很久沒有打BLOG了,前排"忙著"看奧運
看了許多平時不會看的運動比賽
射擊~射箭~柔道~劍擊~摔交~舉重等
一邊看一邊很想去郁動下
但是很可惜都是齋想沒有做
連逄星期一之羽毛球
也因奧運~風雨受阻
下星期要返學啦
即是我的"暑假"就嚟要結束了
很久沒有返學了
希望我今次真得會比心機去讀


慶幸身邊沒有邊嚷肥又要吃的朋友啫~好想再吃he~

三千煩腦絲~

由畢業開始到現在都是長頭髮,很久沒有剪短過了.....................

由於真心擔心唔知變成點,於是乎束起扮短頭髮先~~~~

幸好,都ok~只是有點兒飛起啫.真係唔該rachel陪我去剪,仲有你家的飯都ok的.

京奧開幕禮~

080808看了京奧的opening，真係超正!!!最愛第一幕打缶的，2008個人一起打真係好震撼~更可看到中國人齊心的一面。勁!!好彩今次的開幕多得張藝謀，少了一份中國金雕玉砌的俗氣，多了一份中國氣息的品味。學亞張大導話齋 :”奧運開幕禮團隊表現近乎完美”

這兩天我都留在家中支持奧運，真得很小機會可以日光日白看到現場直播，我突然變成一個奧運痴了。還是那句~中國加油

0808080808中國加油!!!!

今天是2008年8月8日，是中國大事件～～～奧運。身為中國人的我，當然鼎力支持啦！為了今天奧運推掉約會、放工趕返屋企看開幕典禮。

曾經在上年跟某人癈up話:”下年奧運我們去北京囉!要看跳水啦!體操啦!游泳啦!”。當然，這是都是齋up的，但是真真真真的好興奮。四年一次奧運，而今次更是在北京舉辦。記得小時候，有一屆奧運唔知係邊到舉辦，但是可以晚上看到比賽的，當時真係開心的。放學回家馬上做好功課，為的都是晚上可以看電視。還記得天氣不熱，都要硬開冷氣，為的都是看奧運。在電視看見跳水、體操比賽時，仲會覺得那些運動員很犀厲，有他們一百分之一就好了。

之後，其他的奧運好像跟我無緣一樣，它們仲是在早上比賽的。不是要返學就是返工，所以今次在北京舉辦，我真真真真(x100倍)的好期待。希望那麼什麼所謂的聖戰呀、暴徒呀，不要搞亂奧運啦!!中國加油!!We are ready~~~

Hea~~

上星期在公司,天氣還是好的過份

搞到我很很很很很(x100倍)想去沙灘游水吓

於是約了朋友27/07星期日到清水淺游水囉!

點知到了當天突然M到,不能下水>_<"(慘!)

於是咪同友人講:"我M到喎,唔好去沙灘吧!"

可惜~友人話:"唔好啦!照去啦!"

對於一個愛游水的人,有得睇無得游,真係幾大的嘲弄

但是我車都上咗了~唯有照去囉

到黃大仙食都發現天氣不是太好的了

天灰灰的(藍天白雲去咗冰樹??)

食完晏去咗荷利活中心滕兩粒鐘

滕嚟滕去只不過係為咗一支凍既寶礦力及一個西瓜

終於可以搭車去清水灣了

入去是我們發現我們向住烏雲出發

藍天在我們背後囉

唉,山長水遠入到去,點鬼知一落車就落雨

我們當時真係企咗係到,唔知點算

死唔服氣的友人話:"喂,無雨喇!落去沙灘坐下啦!!"

就係咁我們係沙灘食西瓜,飲寶礦力及睡午覺

原來去沙灘唔游水~咁hea下都幾舒服的

事後,原來當天三點幾四幾,正值hea緊的時候

出面係落大雨及冰霜的

想起我們仲可以咁hea真係好好好彩

一事無成??

近排很喜歡這首歌~

尤其是歌其中幾句

"真的好想精於某事情 好想好好的打拚 可惜得到只有劣評 沒有半粒星 真的不想早給你定型 　　笑我那麼的拚命 幾年來毫無成績 地位未有躍升"

回想返出來嘢都有幾年時間~

來來去去都很咁

還未發現出究竟"精於什麼事情"???

有時真得幾迷網的>_<"

Magazine

Kathy say : "The title should be~Nerd of the Jananese~. Because he was still sleeping, when the mobil phone fell down!!!"

Fai & Baikinman : "We can't an eclipse!!!!"

外星人狂想

今天看報紙話得確係有外星人存在

世界之大無其不有

加上地球人都對外太空都唔係好清楚啫

首次有火箭去外太空係1961年啫

所有話有太空人我都唔覺有咩出奇

但係若果外星人的樣貌就係米切爾所講的"頭小眼大"的話

我就覺得平凡咗d

我就希望外星人係好好好細的

細到成粒芝麻咁

連到某些事情 / 心情 就會變大

同埋最大可能係外星人根本不會來地球

因為地球有氧氣,外星人一遇氧氣就會死

地如地球人沒有氧氣會死一樣

還有的是牠們根本不會什麼高科技

亦沒有太空船,牠們的生活就是在太空旅行

講講下,做外星人都幾好,可以成日去旅行XD

日本

早一個月前去了日本~

網誌只是寫了兩大天

而相片都是昨晚才燒了三隻給kathy

發覺我真的好懶

夏天嘛~人就係要懶d架啦he^v^

潛水

今年年頭去了越南

拍了幾段片

可惜係yahoo blog不懂post出來

現在改用了blogspot就懂了

想起我以前細個未會游水前

我媽媽就替我報了潛水班 (明玩我>.<")

當然啦~所謂的潛水班沒有珊湖看的

只是在游池教你潛水(?)

正式潛水就咁大個女都未識過了

找日真係要試試~

晴天

早兩個月~不停地下雨

今個月~開始晴天

真得好喜歡藍天與白雲

仲是覺得藍跟白是完美組合

真好想趁晴天外出走走

仲是覺得不外走走愧對晴天

Happy Birthday

To: Felicity

生日快樂~數數手指都和你相識了八年.老實說(希望你唔好介意啦)我有時都覺得你諗嘢都幾與別不同~(指的不是那件事,別誤會).許多時大伙兒想得那會事,你卻跟我們相反.因此會有人覺得你麻麻煩煩~但這是你的性格來的,很難改~我知!

人大了,亦都會成長了~我信你不會因為別人對你的看法而改變自己.做好自己應為對的事就夠了.過去得由它改去吧~別再想,亦不應過份執著 ; 而將來,因你比我感覺是會望到將來的自己,但是將來存在了許多變數的,有時未必是自己所想的.由它"順其自然"吧!

祝~生活愉快~身體健康!

Your best friend

Nico

放假

18-22/08/2008公司亞姐放大假
換句話說即係我一星期的地獄生捱
現在返工有許多事情都不想做
一直閣置咗好耐好耐都無做
一想做時就會頭痛 (扮晒嘢,根本就係唔想做)
於是乎就hea咗成幾個月都沒有做
自私地咁諗 : "真係好唔想亞姐放假呀~~~~"
但諗深一層人真係自私!
今年我都放了幾天假(UM............前後加埋都有8日,但一年只得7日大假>.<")
她也沒有多說半句
今次佢放五天啫,我就係到呻三晒
HE..............算啦~希望佢玩得開心D啦!
還有R.C & Cherry你兩個對我"返工請病假,出外逛一逛"的謀論
思想上及行動上的支持!
謝呀~~~~

第一次~

第一次用這BLOG打嘢
第一次玩遊戲勝到現金
第一次報IVE,但竟然收咗我
第一次到日本
第一次到越南
第一次工作上接觸到會計的文件
第一次五天工作週
今年有著許多許多的第一次